Bijz. Moment

St Remigiuskoor op concertreis (okt. 2001) in Oostenrijk (Ode: aan Lou) Allen: Oostenriek, veer waore in Oostenriek Dat waor ein idee vaan d'r Lou Want dae geet dao döckker naor toe Oostenriek .... Titel: Wie viër naor Oostenriek vertrokke ( Melodie: Ketelbinkie) Wie veer naor Oosteriek vertrokke, vuër eine ganse lange toer Toen zint veer oos kapotgesjrokke, die bós vertrok al om vief oer Ut waore auch nog Belsje bösse, dat is toch vraoge om malheur En om oos gans te verontröste auch noch ein Belgische chauffeur D'r hauwe drie maan zich versjlaope en twië maan kaome zonger pas En eine waor nog sjtraolbezaope dae sjpuujde Leo op d'r jas Al gauw laog iëderein te sjloape, d'r waeg waor laeg, de bös die voërt D'r iësjte dooch zien auge oape omdat hap Franse sjtumme hoërt Veer sjtonge bie d'r EiÍfeltoere en d'r chauffeur, hae heisjde Pol, Dae krabde zich achter de oëre en zag: dit líjkt mij geen Tirol Wie veer toen toch in Wenns aankoame, de Mis waor oet ut book waor om Zint veer oos kamers in gaon kraome, veer voole van vermeujdheid om. In dat hotel dao kooste zegke wat dien menu vuër mörge waor Mer geine dae dich oet kaom legke wat spätzle zint of Kaiserschmarrn En in ut broëdbelegk zoot knoflook en nurgens geine hagelsjlaag En al die Oostenriekse kost loag wie eine baksjtein op d'r maag En este nao 'ne aovend zoepe ins naor dien käemerke wools gaon Dan koste fein de trap op kroepe omdat die lift dich weer loot sjtaon Dan hauwste auch nog die konzerte, veer waore daor vuër de muziek Veer hant gezonge vuër experte, ein laaiend enthousiast publiek Mer este smörges aart 't ontbijt zoots dan dachtste: "wie das móglich ist' Omdatste dan dezelfde luuj zaogs, die saovends reepe: “bis, bis, bis". En in de krant daor sjting ein sjtökske dat uëver oos concertreis ging *Verdi von fünfzig Mann ermordet in Wenns und auch noch in Haiming." Dus es d'r koër weer ins drop oet wilg besjtuur dat zegke veer euch huuj Dan hooft geer neet te lang te zeuke, naor vuër die klus gesjikde luuj Ver hóbbe noe al zoëveul kiëre gezag wat good ging en wat sjlecht " Laot oos ut zelver ins probere dan kumpt ut allemaol terecht Mer laot ut noéts mie fisternöllen, egaal woe geet de reis noar toe Door Frans of Hub of Ger of Martin mer ziëker noëtsj miër door d'r Lou.